Polis həmyerlisinin 30 göyərçinini oğurlayan şəxsi yaxalayıb.

Axar.az Daxili İşlər Nazirliyinin rəsmi saytına istinadən xəbər verir ki, Biləsuvar RPŞ əməkdaşlarının həyata keçirdikləri əməliyyat-axtarış tədbirləri nəticəsində yanvarın 19-da rayon sakini Arzuman Bayramzadəyə məxsus yardımçı təsərrüfatdan 30 göyərçin oğurlayan həmyerlisi Vüsal Heydərli tutulub.

Araşdırmalar zamanı onun yanvarın 30-da Ruqiyyə Məmmədovanın həyətindən 17 göyərçin oğurlaması da müəyyən edilib.

***

Ağsu RPŞ və İsmayıllı RPŞ əməkdaşlarının həyata keçirdikləri əməliyyat-axtarış tədbirləri nəticəsində Eldar Rüstəmovun həyətindən 7 baş qoyun oğurlayan Laçın rayon sakini Nazir Ədilov tutulub.