Pandemiyanın nə qədər davam edəcəyini dünyada heç kim bilmir.

Axar.az xəbər verir ki, bunu ÜST-ün Azərbaycandakı nümayəndəliyinin rəhbəri Hande Harmancı TƏBİB-in mətbuat konfransında deyib.

"Deyə bilərəm ki, yaxın bir il ərzində xəstəlik bizim gündəmimizdə qalmağa davam edəcək. Bir il ərzində COVİD-19-a qalib gələ biləcəyimizi düşünmürəm. Mən Cenevrədə olarkən bir xəstəlik üzərində işləyirdik. Ona qalib gələ bildik, amma bu virus onun kimi deyil. Lakin zaman ötdükcə insan fərqinə varır. Biz hələ əl yumağı, yerə tüpürməməyi öyrənirik", - o bildirib.

H.Harmancı deyib ki, koronavirusun aradan qalxması fəsillə əlaqəli deyil:

"Nəzərə alaq ki, isti ölkələrdə bu virus var".