Xarici ölkələrdə yaşayan azərbaycanlıların vətənə gəlməsi üçün xüsusi çarter reysləri ayrılacaq.

Axar.az xəbər verir ki, bu sözləri Nazirlər Kabinetinin yanında Operativ Qərargahın brifinqində Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

Onun sözlərinə görə, burada üstünlük uşaqlı qadınlara, yaşlılara və həssas təbəqəyə mənsub şəxslərə veriləcək:

"Burada yük AZAL-ın üzərinə düşəcək. Xüsusi karantin rejimindən əvvəl bilet alıb ölkəyə gələ bilməyənlərə çarter reyslərində yer veriləcək. Xaricdə yaşayan azərbaycanlılara qaydaları anlayışla qəbul etdikləri üçün təşəkkür edirik".