İranın Səhiyyə Nazirliyinin koronavirusla bağlı yaratdığı "Mask" adlı tətbiqdə Azərbaycanın ərazi bütövlüyünə qarşı növbəti dəfə hörmətsizlik edilib.

Axar.az xəbər verir ki, bu barədə Güney azərbaycanlı fəallar məlumat yayıblar.

Onlar bildiriblər ki, həmin tətbiqdə Azərbaycanın Ermənistan tərəfindən işğal edilmiş Dağlıq Qarabağ bölgəsi fars dilində "Qarabağ Respublikası" kimi təqdim edilib.

Bu foto sosial şəbəkələrdə böyük narazılıqla qarşılanıb.

Qeyd edək ki, bir neçə gün öncə ermənilər Dağlıq Qarabağda İrana məxsus olduğu bildirilən TIR-larla yanacaq daşındığını əks etdirən videokadrlar yaymışdılar.