"Mədəniyyət" kanalında yeni verilişin yayımına start veriləcək.

Axar.az xəbər verir ki, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov AzTV-yə açıqlamasında deyib. O bildirib ki, yeni veriliş bu həftənin şənbə günündən yayıma başlayacaq:

"Mədəniyyət" kanalında yeni, 40-45 dəqiqəlik "Dərsdən sonra" adlı verilişin yayımına start veriləcək. Verilişdə məktəbdən kənar fəaliyyətlə bağlı mövzulara toxunulacaq. Burada söhbət rəqsdən tutmuş, rəsm, musiqi və məktəbəqədər yaşda uşaqların diqqətində olan məsələlərlə bağlı televiziya proqramının yayımından gedir. Güman edirəm ki, bu proqram məktəblilərimizin diqqətini cəlb edəcək və xoşlarına gələcək".