Azərbaycanda yeni siyasi mühit, siyasi həmrəylik var. Son 10 ildə ilk dəfə iqtidar və müxalifətin bir araya gəlməsini gördük.

Axar.az xəbər verir ki, bunu Milli Məclisin İnsan hüquqları komitəsinin sədri Zahid Oruc bu gün parlamentdə çıxışı zamanı bildirib.

Z.Oruc keçmiş prezident Elçibəyin ailəsinə qayğı göstərildiyini xatırladıb:

“Bu işdə I vitse-prezidentin müstəsna xidməti oldu. Ölkə başçısı Münhendə Paşinyan qarşısında Ayaz Mütəllibovu xilas etdi. Ondan sonra Ana Harayı abidəsi qarşısında protokolda Ayaz Mütəllibova yer verərək, bütün dünyaya mesaj verdi. Bundan başqa Prezidentin verdiyi əfv sərəncamı, ardınca isə ReAl sədri ilə bağlı ötən gün verilən qərar müsbət qiymətləndirilməlidir”.