Ana səhifə Toplum |
Milli Məclisin Mədəniyyət komitəsinin sədri Qənirə Paşayeva son 6 gündə Tovuz rayonundan olan 150-dən artıq seçicisi ilə onlayn şəkildə görüntülü danışıb.
Axar.az xəbər verir ki, millət vəkili seçicilərinin müraciətlərini dinləyib və problemlərinin həlli istiqamətində bir sıra qurumlarla, təşkilatlarla müzakirələr aparıb.
Müraciətlərin böyük bir hissəsi öz müsbət həllini tapıb. Bəzi seçicilərin müraciətləri ilə bağlı isə millət vəkili Qənirə Paşayeva müvafiq qurumlara rəsmi müraciətlər göndərib.
Müzakirələr zamanı millət vəkili Qənirə Paşayeva seçiciləri ilə koronavirus pandemiyasından qorunmaq istiqamətində maarifləndirici söhbət də edib.
Millət vəkili eyni zamanda cənab Prezidentimiz İlham Əliyevin rəhbərliyi altında COVİD-19-un ölkəmizdə geniş yayılmaması, əhalimizin sağlamlığının qorunması və pandemiya səbəbindən çətin vəziyyətə düşən ailələrə dəstək proqramları ilə bağlı geniş məlumat verib.
Qeyd edək ki, Qənirə Paşayevanın rəhbərlik etdiyi Avrasiya Beynəlxalq Araşdırmalar İnstitutu İctimai Birliyinin təşkilatçılığı ilə 200-ə yaxın aztəminatlı ailəyə maska və tibbi-gigiyenik vasitələr göndərilib.
Tarix
2020.04.26 / 17:57
|
Müəllif
Axar.az
|