Xəbər verdiyimiz kimi, Prezident İlham Əliyev Azərbaycan Respublikası Baş prokurorunun müavini - Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin rəisi Kamran Əliyevin namizədliyini Baş prokuror vəzifəsinə irəli sürüb. Onun təqdimatı artıq Milli Məclisdədir.

Axar.az-a daxil olan məlumata görə, Korrupsiyaya qarşı Mübarizə Baş İdarəsinə Ramil Məcidov təyin edilib.

Məcidov Ramil Abbas oğlu Baş Prokurorluğun Ədliyyə və Vergilər nazirlikləri, Dövlət Gömrük Komitəsinin istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəisi, III dərəcəli dövlət ədliyyə müşaviridir.