Yumşaldılma tədbirləri bütün dünyada davam edir.

Axar.az xəbər verir ki, bunu ÜST-ün Azərbaycandakı rəhbəri Hande Harmancı media üçün keçirilən onlayn videokonfrans zamanı deyib.

Onun sözlərinə görə, ciddi karantin rejimi iqtisadiyyata da böyük ziyan vurur və yumşaldılma bu baxımdan məqsədəuyğundur:

“ÜST-ün əsas prioriteti isə insanların sağlamlığıdır. Yumşaldılma prosesi davam etdiriləcək, amma proseslər yaxından izləniləcək. Bu baxımdan hazırda dəqiq bir söz demək çətindir. Əhali anlamalıdır ki, əgər bundan sonra yoluxma sayı artarsa, bu, hökumətlərin və ÜST-ün səhvi olaraq qiymətləndirilməməlidir. Burada əsas məsuliyyət vətəndaşların üzərinə düşür”.

Hande Harmancı ÜST-ün rəhbərinin Azərbycanın pandemiya ilə mübarizə siyasətini yüksək qiymətləndirdiyini və əməkdaşlıq üçün cənab Prezidentə minnətdarlığını bildirdiyini qeyd edib.