Əgər göstəricilər arzu etmədiyimiz istiqamətdə gedərsə, sərt qadağalar tətbiq edilə bilər.

Axar.az xəbər verir ki, bunu TƏBİB-in İdarə Heyətinin sədri Ramin Bayramlı deyib.

"Bizim "yaşıl sahə"yə çıxmağımız qaydalara əməl etməyimizdən asılıdır. Karantindən çıxma barədə verilən qərar sadə qərar deyil. Ayrı-ayrı xidmət sahələri üzə karantin rejimindən çıxdıqca, qaydalara riayət etməliyik. Bu məqsədlə Operativ Qərargah tərəfindən metodik göstərişlər həyata keçirir.

Bu metodik vəsaitlər təsdiq üçün müvafiq qurumlara göndərilib və sabah koronavirus.info.az saytında yerləşdiriləcək. Vətəndaşlar bu qaydalara ciddi əməl etməlidirlər", - R.Bayramlı bildirib.