Rusiyanın "LUKoyl" neft şirkətinin prezidenti Vahid Ələkbərov Bakıdakı məşhur iqamətgahını 15 milyon manata (8,8 milyon dollar) satışa çıxarıb.

Axar.az Publika.az-a istinadla xəbər verir ki, bu barədə əmlak satışı saytlarında elan yerləşdirilib.

Tiflis prospektində, “Avropa” oteli və Heydər Əliyev İdman Sarayının yaxınlığında yerləşən klassik üslubda modern və gözəl üçmərtəbəli iqamətgah 36 sot torpaq və 1500 kvadratmetr ümumi tikili sahəsinə malikdir.

İqamətgah xüsusi dizayn olunmuş mebellərlə, lampalar, qablar, rəsm əsərləri və s. ilə tam təchiz olunub.

İqamətgahın meyvə və dekorativ ağacları olan bağı da var.