Bakı Dəmiryolu Vağzalı təmir olunur. Vağzalda yenidənqurma işləri ilə əlaqədar giriş istiqaməti dəyişdirilib.

Axar.az xəbər verir ki, kassalara yaxınlaşmaq üçün arxa tərəfdən giriş açılıb. Vağzalın əsas binasının fasadı, memarlıq üslubunun saxlanması şərtilə yenidən qurulması, vağzal binasının daxilində tam yenidənqurma işləri görülməsi nəzərdə tutulub. Bilet kassaları, saxlama kameraları, sərnişin platformaları müasir üslubda əsaslı təmir olunacaq, eskalatorlar yenisi ilə əvəzlənəcək.

Qeyd edək ki, XIX əsrin memarlıq abidələrindən olan Bakı Sərnişin Vağzalı 1884-cü ildə istifadəyə verilib. Vağzal binasının Mavritaniya üslubunda təqdim olunan ilk layihəsinin müəllifi Bruni, rəssamı Drittenpreys, memarı N.L.Qlebov olub, tikinti işlərinə isə memar L.Z.Rossi başçılıq edib.