09:12

Oğuz rayonu Xaçmaz kəndinin sakini 14 yaşlı Məmmədli Cəbrayıl Vüsal oğlunun parçalanmış meyiti tapılıb.

Axar.az xəbər verir ki, hadisə ötən gün baş verib.

Belə ki, arxa su qoymaq üçün evlərindən çıxan gənc itkin düşüb. Bir müddət sonra isə velosiped və köynəyi yaxınlıqdakı ərazidən tapılıb.

Bu gün azyaşlının parçalanmış meyiti aşkarlanıb. Ehtimal olunur ki, onu ayı parçalayıb.

Araşdırma aparılır.

***

Oğuzun Xaçmaz kəndində meyiti tapılan 14 yaşlı oğlanın ölümü ilə bağlı bəzi təfərrüat ortaya çıxıb.

Kənd sakinlərinin məlumatına görə, oğlanı ayı parçalamayıb. Ehtimal olunur ki, oğlan arxa su qoymağa gedərkən başqa bir cavan oğlan tərəfindən zorakılığa məruz qalıb.

Ehtimal olunur ki, bundan sonra əməlinin yayılacağından ehtiyat edən gənc 12 yaşlı oğlanı öldürüb və yaxınlıqdakı çaya atıb.

Bildirilir ki, artıq şübhəli şəxs tutularaq istintaqa cəlb olunub.

Meyit ekspertizaya verilib.

***

Mayın 21-də itkin düşmüş Oğuz rayonu Xaçmaz kənd sakini, 2007-cı il təvəllüdlü Cəbrayıl Məmmədlinin tapılması məqsədilə Fövqəladə Hallar Nazirliyinin Şimal-qərb Regional Mərkəzinin müvafiq xilasetmə qüvvələrinin, prokurorluq və polis işçilərinin, eləcə də digər aidiyyəti qurumların əməkdaşları tərəfindən həyata keçirilən təxirəsalınmaz əməliyyat-axtarış tədbirləri nəticəsində C.Məmmədlinin meyiti mayın 22-də saat 09 radələrində yaşadığı evdən təxminən 2 km aralı meşəlik ərazidən keçən çayda aşkar edilib.

Bu barədə Oğuz rayon Prokurorluğu və Oğuz Rayon Polis Şöbəsi məlumat yayıb.

Birgə məlumatında bildirilib ki, dərhal prokurorluq və polis işçiləri tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, məhkəmə-tibb ekspertizası təyin olunub, şahidlərin izahatları alınıb.

C.Məmmədlinin meyitinə baxış zamanı meyitin baş nahiyəsində xəsarətlər aşkar edilib.

Məhkəmə-tibbi ekspertinin ilkin məlumatına görə, C.Məmmədlinin baş nahiyəsində aşkar edilmiş xəsarətlər vəhşi heyvanın (ayının) pəncəsinin zərbəsinin təsiri nəticəsində yaranmağa xarakterikdir.

Hazırda faktla bağlı rayon prokurorluğunda araşdırma aparılır.