Naxçıvan Muxtar Respublikasına hava uçuşlarının bərpası 8 iyun tarixindən bərpa olunacaq.

Axar.az xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın brifinqində deyib.

"Bu istiqamətdə işlər görülüb. Bütün uçuşlar metodiki göstərişlər əsasında həyata keçiriləcək", - o bildirib.

R.Bayramlı qeyd edib ki, beynəlxalq uçuşlar 15 iyunadək dayandırılıb:

"Bu uçuşlarda sərnişin sayı azaldılacaq. Beynəlxalq qrafikada tətbiq olunan təcrübələrdən biri də COVİD-19 pasportunun tətbiqidir. Bu pasportda sağlamlıqla bağlı arayış yer alacaq. Pasportun tətbiqi müzakirə olunur və yaxın günlərdə bu barədə qərar veriləcək".