Birdəfəlik 190 manat ödəmə 2 ay üçün nəzərdə tutulmuşdu.

Axar.az xəbər verir ki, bunu Nazirlər Kabinetinin mətbuat katibi İbrahim Məmmədov Operativ Qərargahın brifinqində deyib. O bildirib ki, karantin rejiminin uzadılması ilə bağlı bu məsələ yenidən müzakirə olunacaq.

Bankların vətəndaşlardan kredit borcları tələb etməsinə aydınlıq gətirən İbrahim Məmmədov qeyd edib ki, bu situasiya araşdırılmalıdır.

O vurğulayıb ki, karantin qaydaları yumşaldıqca, yoluxma halları da artır: "Bu səbəblə toyların bərpa edilməsi problemli görünür. Yoluxma halları artdığı üçün daha çox yumşalmaya getmək məsuliyyətdir".