Təəssüflər olsun ki, Vahid Əhmədov Dağlıq Qarabağ, Şuşa məsələsində deputatları regionları bölməyə cəhd etdi. Bu zalda əyləşən deputatlardan əlində silah tutaraq ermənilərə qarşı döyüşlərdə iştirak edən Elman Məmmədovdan tutmuş beynəlxalq təşkilatlarda ermənilərlə mübarizə aparan Tural Gəncəliyevə qədər, hər kəs özünü qarabağlı hesab edir.

Axar.az xəbər verir ki, bu sözləri Milli Məclisdə çıxışı zamanı birinci vitse-spiker Əli Hüseynli deyib.

Əli Hüseynli əlavə edib ki, Aprel qələbəsini qazanan Müdafiə Nazirliyini tənqid etmək doğru deyil:

“Biz hamımız o mövqeydəyik ki, şəxsi maraqlar naminə Müdafiə Nazirliyi ilə bağlı mövqe tutmalı deyilik”.

Milli Məclisin sədri Sahibə Qafarova isə bildirib ki, vitse-spikerlər Fəzail İbrahimli və Adil Əliyevlə birlikdə bu fikirlərlə razıdır.