Ana səhifə Toplum |
Tibbi Ərazi Bölmələrini İdarəetmə Birliyi (TƏBİB) koronavirusla əlaqəli həftəsonu qadağaları əsas gətirərək alış-veriş edənlərə bir daha müraciət edib.
Axar.az xəbər verir ki, müraciətdə alış-veriş zamanı insanların özlərini qorumaq tövsiyə olunub.
Qeyd edilib ki, mümkün olduqca onlayn alış-verişə üstünlük verilməlidir. Həmçinin alış-verişə ailədən bir nəfər göndərmək, pik saatlarda mağazaya getməkdən çəkinmək və yaşayış yerinə yaxın mağazaya getmək lazımdır.
Eyni zamanda xəstə olan şəxsin mağazaya getməməsi, mağaza daxilində asqırarkən və ya öskürərkən ağız və burnunu salfetlə örtməsi və ya dirsək bükümündən istifadə etməsinin zəruri olduğu bildirilib. Maska taxmaq və heç bir halda çıxarmamaq, əllə üzə toxunmamaq, digərləri ilə fiziki məsafə saxlamaq, ödəniş edilən kartı dezinfektantla təmizləmək, ödənişdən sonra spirt tərkibli dezinfektantla əlləri təmizləmək və evə qayıtdıqda əlləri mütləq su və sabunla yumaq məsləhət görülüb.
Tarix
2020.06.05 / 12:35
|
Müəllif
Axar.az
|