Ana səhifə Toplum |
Bəzi rayonlarda örüş yerləri, yaylaqlarla bağlı problemlər var. Həmin örüş yerləri kənar insanlara verilib. Yerli əhaliyə örüş sahəsi çatmayıb.
Axar.az Musavat.com-a istinadən xəbər verir ki, bu sözləri millət vəkili Vahid Əhmədov parlamentin bu gün keçirilən iclasında deyib.
Deputat deyib ki, torpaq islahatları həyata keçirilən zaman Nazirlər Kabineti örüş yerlərinin bölüşdürülməsini yerli İcra Hakimiyyətlərinə tapşırıb:
“Hesab edirəm ki, biz bununla bağlı xüsusi qanun layihəsi qəbul etməliyik. Ya da Baş nazir qərar verməlidir. Bu məsələ ilə məşğul olmaq lazımdır. Elə yerlər var ki, bu məsələdə ciddi qarşıdurma yaranır. Çünki bu sahələrin sahiblərinin yuxarıdan dəstəkləyənləri var. Bu yaxınlarda Qubada belə bir ciddi hadisə baş vermişdi. Biz bunun qarşısını çətinliklə ala bildik”.
Deputat hökumətə xitabən bu problemin həllinə çağırış edib.
Tarix
2020.06.05 / 12:59
|
Müəllif
Axar.az
|