Zığ şossesinin kənarında jurnalistlər tərəfindən əkilən meyvə ağacları bar verib.

Bu barədə Axar.az-a Ekologiya və Təbii Sərvətlər Nazirliyinin mətbuat katibi İradə İbrahimova bildirib. O bildirib ki, artıq jurnalistlər əkdikləri ağacların məhsulundan dada bilərlər:

“İstədim ki, bağın ərsəyə gəlməsində zəhməti olanlar əkdikləri ağacların bəhrəsini görsünlər və bu ürəkaçan mənzərənin şahidi olsunlar”.

Xatırladaq ki, 10 mart 2019-cu il tarixində 100-dən çox jurnalistin iştirakı, Ekologiya və Təbii Sərvətlər Nazirliyinin dəstəyi ilə bağ salınıb, əraziyə damcılı suvarma sistemi çəkilib və bağa "Yaşıl qələm" adı verilib.