Dövlət Gömrük Komitəsinin Akademiyasının tələbələri 15 İyun - Milli Qurtuluş Gününə həsr olunmuş onlayn video kompozisiya hazırlayıb.

Axar.az xəbər verir ki, onlayn kompozisiyada 15 iyun 1993-cü ildə Azərbaycan xalqının Milli lideri Heydər Əliyevin xalqın tələbi ilə ikinci dəfə hakimiyyətə gəlməsi ilə ölkəmizi parçalanmaqdan qoruması, müasir müstəqil Azərbaycanın memarı, Ulu öndər, böyük dövlət xadimi, dahi şəxsiyyət Heydər Əliyevin Azərbaycan tarixindəki əvəzolunmaz rolu və onun tarixdəki silinməz yeri bir daha vurğulanıb.

Kompozisiyada tələbələrin ifasında mahnı və şeirlər səsləndirilib, Akademiyanın rəqs qrupu və xor qrupunun ifaları təqdim olunub.