Bu gün kondisionerin infeksiya mənbəyi olması ilə bağlı sual çox verilir. Doğru istifadə olunmayan kondisioner infeksiya mənbəyidir.

Axar.az xəbər verir ki, bunu Nazirlər Kabineti yanında Operativ Qərargahın tibbi eksperti Rəşad Mahmudov Operativ Qərargahın bugünkü brifinqində deyib.

"Hətta aviasiyada belə istifadə olunan kondisionerlərin həyati təhlükəsi ilə bağlı elmi sübut yoxdur. Ata-analarımızdan eşitdiyimiz məsəli diqqətdə saxlayaq: "Yayda olan qripdən uzaq olaq, istidə soyuq su içsəniz sətəlcəm olarsınız". Kondisioner məsələsində yanaşma doğru olmalıdır. Maşınlarda istifadə olunan kondisionerlərin bayırla olan sirkulasiyasını açmağı tövsiyə edirəm", - o bildirib.