Son günlər bəzi dərmanların qıtlığı yaranır.

Axar.az xəbər verir ki, bunu TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib.

"Lakin TƏBİB olaraq xəstəxanaları bütün dərmanlarla təmin edirik. Apteklər üçün dərman təminatı bizim öhdəliyimizdə olmasa da, sahibkarlara bunun üçün müraciət etmişik", - o bildirib.

Y.Qarayeva əlavə edib ki, epidemioloji vəziyyət yaxşı olmadığı halda vətəndaşları müxtəlif kənd və rayonlara buraxa bilmərik:

"TƏBİB olaraq xaricdən gələn vətəndaşların karantində qalmasını və zəruri müalicəsi aparıldıqdan sonra evə buraxılmasını təmin edirik".