Operativ Qərargah Nazirlər Kabinetinin nəzdində yaranan qurumdur və orada bütün dövlət qurumlarının nümayəndələri ən yüksək səviyyədə təmsil olunur.

Axar.az xəbər verir ki, bunu TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib.

"Biz virusun yayılmasının qarşısını kifayət qədər aldıq. Bu müddətdə dərman vasitələrinin ölkəyə gətirilməsi, xəstəxanaların hazırlanmasına nail olduq. Biz sadəcə istəyirik ki, bundan sonra rəqəmlər kəskin artmasın və biz xəstələrin müalicəsini normal davam etdirə bilək", - o bildirib.

Hande Harmancı əlavə edib ki, virusa yoluxma ədədi silsilə ilə artır:

"Virusa yoluxanları gözümüzlə gördüyünüz zaman çox gec ola bilər. Yenə deyirəm, əgər özünüzü qorumasanız, virusa yoluxanlar artacaq".