Husilər Yəmənin cənub-qərbində yerləşən hərbi bazaya daxil olublar.

Axar.az xəbər verir ki, bu barədə informasiyanı "Röyter" agentliyi yayıb.

Husilərin ələ keçirdikləri baza Taiz vilayətinin Dabab rayonunda yerləşir. Bazanın əsgərləri qiyamçılara qapıları açıblar. Nəticədə şiə qiyamçılar müqavimət görmədən şəhərə daxil olublar.

Qeyd edək ki, ələ keçirilən baza Bab əl Məndəb boğazı yaxınlığında yerləşir. Bu boğaz Hind okean ilə Qırmızı dənizi birləşdirir və dünyada neftin tranziti üçün əsas marşrutlardan biri hesab edilir.

Onu da xatırladaq ki, martın 27-dən etibarən Səudiyyə Ərəbistan rəhbərliyi altında olan koalisiya Bab-əl-Məndəb boğazını mühasirəyə almış və buraya husiləri buraxmayacaqlarını bildirmişdilər.