Baş Dövlət Yol Polisi İdarəsi (BDYPİ) taksi fəaliyyəti ilə məşğul olan şəxslərdən postlarda əlavə arayışın tələb edilməsi ilə bağlı məlumatlara münasibət bildirib.

Axar.az xəbər verir ki, BDYPİ-in şöbə rəisi Kamran Əliyev Report-a açıqlamasında taksidəki sərnişinlər arasında icazə sənədi olmayanların postlardan geri qaytarıldığını bildirib.

“Postlarda problemlər sərnişinlərlə bağlıdır. Rayon taksilərinin paytaxtda taksi fəaliyyəti göstərməsinə icazə yoxdur. Bakı üçün ayrıca fərqlənmə nişanını Bakı Nəqliyyat Agentliyi verir. Amma digər taksilər, yəni rayonlarda fəaliyyətinə icazə verilən taksilər yalnız xəstələri, dəfn mərasiminə gələnləri Bakıya gətirə bilər. Taksi sürücüləri çalşırlar ki, müxtəlif yollarla icazəsi olmayan adamları daşısınlar”.