Pandemiyaya görə Türkiyədə qalan azərbaycanlı vətəndaşlarımıza yardım çağırışımıza qısa müddətdə Diasporla İş üzrə Dövlət Komitəsindən dəstək gədi.

Bu sözləri Axar.az-a açıqlamasında Türkiyənin Çanaqqala On Səkkiz Mart Universitetində Tarix üzrə bakalavr təhsili alan İbrahim Muradov söyləyib.

“Hazırda Türkiyədə təhsil alan, həmçinin müalicə məqsədi ilə burada qalan vətəndaşlarımız var. Mən və tələbə dostlarım fikirləşdik ki, bu şəxslərə əlimizdən gələn yardımı edək. Bir qədər əvvəl mətbuata müsahibəmdə Türkiyədəki vətəndaşlarımızın, xüsusilə tələbə və müalicə məqsədilə burada qalan həmvətənlərimizin vəziyyəti haqda məlumat vermişdim. Sevindirici haldır ki, bu müsahibəmdən sonra Diasporla İş üzrə Dövlət Komitəsinin əməkdaşı Kənan Məmmədov mənimlə əlaqə saxladı və bizə dəstək ola biləcəklərini dedi. Nəticədə xeyli insanın problemlərinin həllinə nail ola bildik. İnanıram ki, bu proses davam edəcək”, - İ.Muradov bildirib.