Sərt karantin rejimi öz nəticəsini göstərir.

Axar.az xəbər verir ki, bunu TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib.

"Xəstəlik ədədi silsilə ilə yayılır. Hazırda yoluxmaların sayı stabilləşib. Hazırda ikiqat artım müşahidə etmirik", - Y.Qarayev qeyd edib.

O, şayiələrə aydınlıq gətirərək TƏBİB İH-in sədri Ramin Bayramlının iş başında olduğunu bildirib:

"Biz yeni layihə ilə bağlı Türkiyədən mütəxəssislər gətirmişik və Ramin Bayramlı da bu qrupda iştirak edir, xəstəxanaları ziyarət edərək, müalicə prosesinə nəzarət edir".

Prezidentin köməkçisi Hikmət Hacıyev əlavə edib ki, karantin rejiminin riyazi nəticələri qarşıdakı günlərdə özünü göstərəcək:

"Xəstəliyə yoluxma insanların təması zamanı baş verir. Bu gün karantindən, maska, sosial məsafə və gigiyenadan başqa xəstəliklə mübarizə üsulu yoxdur.

Amma yenə də vətəndaşlarımız dövlətimizlə birgə, arzu etdiyimiz nəticələri əldə etməliyik. Biz yeni norma və reallıqlara uyğunlaşmağı bacarmalıyıq".