Bir peyvəndin hazırlanıb, istifadəyə verilməsi uzun prosesdir.

Axar.az xəbər verir ki, bunu TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib.

"Bütün araşdırma mərkəzlərində peyvəndin hazırlanması istiqamətində geniş işlər aparılır. Bu gün dünya ölkələrində hansısa peyvəndin istifadəsinə dair məlumatlar yoxdur. Yalnız könüllülər üzərində peyvəndlər sınaqdan keçirilir. Peyvəndin xeyiri və ziyanı dəyərləndirildikdən sonra onun haqqında danışmaq olar. Peyvəndin təsdiq olunması bu ilin sonuna gözlənilir", - o bildirib.