Ana səhifə Toplum |
Azərbaycan cəmiyyəti yüksək mədəniyyətli cəmiyyətdir.
Axar.az xəbər verir ki, bunu Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Operativ Qərargahın bugünkü brifinqində deyib.
"Bu gün əldə etdiyimiz yüksək nəticələr vətəndaşlarla dövlət arasında olan etimadın göstəricisidir. Təəssüf doğuran hal odur ki, kimsə karantin rejimindən yan keçməyi qəhrəmanlıq hesab edir. Hər bir yoluxan insan öz yaxınları ilə təmasdadır. Yoluxma ilk növbədə ailəni yoluxdurmaq deməkdir. Bu kimi addımlarla sadəcə özümüzü aldadırıq. Hazırda ictimai qınağın artırılmasına diqqət yetirməliyik. Biz birlikdə güclüyük. Bu hala inanmayan, məsuliyyətsiz davranış göstərən vətəndaşlara bunu izah etməliyik", - o bildirib.
H.Hacıyev qeyd edib ki, yenidən tətbiq olunacaq karantin rejiminin məqsədi yoluxma hallarının sayını azaltmaqdır.
Tarix
2020.06.30 / 19:20
|
Müəllif
Axar.az
|