09:33

Rusiyanın Krasnoqorsk şəhərində azərbaycanlı iş adamı, 1971-ci il təvəllüdlü Rövşən Muradov koronavirusdan dünyasını dəyişib.

Axar.az xəbər verir ki, bu barədə Moskva vilayətinin İstra rayonunda Azərbaycan İcmasının rəhbəri Ramil Əliyev məlumat yayıb.

"25 ildən çoxdur ki, Rövşən Muradov İstra şəhərində yaşayır və işləyirdi. O, Azərbaycan xalqının layiqli övladı idi və həmişə həmvətənlərini dəstəkləyirdi”, - deyə R.Əliyev qeyd edib.

O bildirib ki, R.Muradov 9 iyunda anası ilə birgə 1 saylı Krasnoqorsk dövlət xəstəxanasına yerləşdirilib. Rövşənin anası 14 iyunda vəfat edib. 18 gündən sonra isə biznesmenin özü dünyasını dəyişib.

Cənazəsi dəfn olunmaq üçün Bakıya göndərilib.

Dəfn bu gün baş tutacaq.