10:44

Görüntülərdəki hovuz kənarında dincələn insanlar oteldə qalan qonaqlardır. Hovuzda istirahət etmək məqsədi ilə heç bir müştəri qəbul edilməyib. Hovuz yalnız koronavirusla mübarizədə sosial izolyasiya qaydalarına əməl edilmək şərti ilə oteldə qalan qonaqlar üçün fəaliyyət göstərib. Orada olan hər bir şəxsin isə temperaturu ölçülüb. Hazırda otelin hovuzundan istifadə qadağandır.

Bu sözləri Axar.az-a açıqlamasında Hyatt Regency Baku” otelinin gigiyena və sağlamlıq üzrə meneceri Ramin Əzizov deyib.

O bildirib ki, sosial şəbəkələrdə otellə bağlı yayılan görüntülər karantin rejiminin yumşaldılması zamanı çəkilib.

O deyib ki, görüntlərin yayılmasından sonra otelə polis əməkdaşları baxış keçirib:

“Ötən gün paytaxtdakı otellərin birində yayılan görüntülərdən sonra Daxili İşlər Nazirliyi tərəfindən “Hyatt Regency Baku” otelinin də hovuzuna baxış keçirildi. Baxış zamanı qayda pozuntusu aşkar edilmədi. Hətta bu gün sosial şəbəkələrdə yayılan görüntülərdən sonra da baxış keçirilib”.