Neftçala rayonunun millət vəkili, Vətəndaş Həmrəyliyi Partiyasının sədri, xalq şairi Sabir Rüstəmxanlının təşəbbüsü ilə rayonun ilk şəhidi Əfsər Səttar oğlu Gözəlovun Bankə qəsəbə qəbiristanlığındakı məzarının abadlaşdırılması işinə başlanılıb.

Axar.az xəbər verir ki, dəfn olunduqdan sonra yenilənməyən şəhid məzarı üzərindəki işlər bu günlərdə başa çatacaq.

Bundan başqa, S.Rüstəmxanlının təşəbbüsü və dəstəyi ilə Həsənabad qəsəbəsində şəhidlərin xatirəsinə park salınır. Parkda Həsənabad qəsəbəsindən olan 15 şəhidin xatirə şəkilləri olan lövhə və iki Milli Qəhrəman - Zakir Nüsrət oğlu Məcidov və Samid Gülağa oğlu İmanovun büstləri qoyulacaq.

Parkın yaxın vaxtlarda istifadəyə veriləcəyi gözlənilir.