Dövlət Gömrük Komitəsinin Akademiyasının Tədris və innovasiyalar üzrə rəis müavini professor Ramiz Hümbətovun və Bakı Mühəndislər Universitetinin Beynəlxalq əlaqələr üzrə prorektoru dosent Manafəddin Namazovun müəllifi olduqları “Günəş panellərinin vəziyyəti ikimövqeli idarə olunan günəş enerjisini elektrik enerjisinə çevirən qurğu” ixtiraya Azərbaycan Respublikasının patenti verilib.

Axar.az xəbər verir ki, ixtiranı fərqləndirən cəhət qurğunun yerləşdiyi coğrafi məkandan və ilin mövsümündən asılı olmayaraq, işıqlı gün ərzində daim günəş panellərindən maksimal mümkün olan enerji əldə etməyə imkan yaratmasıdır.

Belə effekt bilavasitə günəş panellərindən alınan enerjinin qiymətindən asılı olaraq panellərin vəziyyətini iki bir-birinə perpendikulyar üfüqi ox ətrafında dəyişdirməklə günəş şüalarının panellərin səthinə daim düz bucaq altında düşməsinin təmin olunması hesabına əldə edilir.