Səbayel rayon icra başçısının oğlunun məhkəməsi başlayıb.

Axar.az yazır ki, işə aprelin 8-də Bakı Ağır Cinayətlər Məhkəməsində baxılacaq.

Aprelin 1-də isə hazırlıq iclası keçirilib. Məhkəməyə hakim Ramella Allahverdiyeva sədrlik edir. Qəzada dünyasını dəyişən Sənan Mirzəyev "McDonalds"ın Bakı nümayəndəliyinin rəhbəri Maqsud Mirzəyevin oğludur.

Hadisədə 1-ci dərəcəli təqsirli qismində bilinən İlham Əsgərli, 2-ci dərəcəli təqsirli qismində bilinən isə Əhliman Hüseynovdur.

Xatırladaq ki, hadisə ötən il sentyabrın 29-da olub. "Mersedes" markalı avtomobil "Hovo" markalı yük maşınına çırpılıb. Nəticədə İlham Əsgərli və Pərvin Fətullayev xəstəxanaya yerləşdirilib. Sənan Mirzəyev 3 saylı Sabunçu Klinik xəstəxanasında vəfat edib.