Mərmərə Universitetinin professoru, Beynəlxalq Enerji İqtisadiyyatı Birliyinin (İAEE) sədri Gürkan Kumbaroğlu Bakıda səfərdədir.

Beynəlxalq Enerji İqtisadiyyatı Birliyindən Axar.az-a verilən məlumata görə, səfər çərçivəsində G. Kumbaroğlu bugün Azərbaycan Dövlət Neft Akademiyasında "Enerjinin səmərəliliyi və enerjiyə qənaət" seminarı keçirib.

Seminarda ADNA-nın energetika fakültəsinin tələbə və müəllim-professor heyəti iştirak edib. Professor İAEE-nin yaranma tarixi, məqsədi, İAEE-nin "Avrasiya Birliyi" layihəsi, eləcə də Türkiyə və Azərbaycanın enerji iqtisadiyatı barədə danışıb.

Qeyd edək ki, mövzuda 23 martda ilk dəfə Türkiyənin Mərmərə Universitetində keçirilən seminar, dünyanın bir çox universitetlərində də davam etdiriləcək.