14:29

Azərbaycan Respublikası Mərkəzi Bankının sədri Elman Rüstəmov yeni kadr təyinatları aparıb.

Axar.az Mediapost.az-a istinadən xəbər verir ki, E.Rüstəmov müvafiq əmri ilə departament direktorlarından birinin yeri dəyişib, digər bir departamentə direktor müavini təyin edilib.

​1. Beynəlxalq əməkdaşlıq və kommunikasiya departamentinin direktoru Leyla Süleyman qızı Nəbiyeva 01.07.2020-ci il tarixindən Prudensial siyasət və metodologiya departamentinin direktoru vəzifəsinə təyin olunub. Onun yerinə təyinat olmayıb.

2. İnformasiya texnologiyaları departamentinin İnformasiya sistemlərinin təminatı şöbəsinin rəisi Anar Kazım oğlu Quliyev 01.06.2020-ci il tarixindən İnformasiya texnologiyaları departamentinin direktor müavini - İnformasiya sistemlərinin təminatı şöbəsinin rəisi vəzifəsinə təyin edilib.