İş adamı Hafiz Məmmədovun sahibi olduğu "Bakı" futbol klubunda maliyyə problemi davam edir.

Axar.az-ın məlumatına görə, klub rəhbəri Hafiz Məmmədov uzun müddətdir ki, Vergilər Nazirliyinin vergi borcunu ödəməklə bağlı xəbərdarlığına məhəl qoymur.

Belə ki, nazirlik vergi borcunu ödəməyənlər barədə növbəti dəfə məlumat yayıb. Nazirliyin yaydığı məlumatda Hafiz Məmmədovun sahibi olduğu "Bakı" futbol klubunun da adı var.

Nazirlik futbol klubunun rəhbərliyinə vergi borcunu ödəmələri barədə növbəti xəbərdarlığı edib.

Qeyd edək ki, ümumilikdə vergi borcunu ödəməyən 423 vergi ödəyicisinin olduğu açıqlanıb.