Respublika Hərbi Prokurorluğunda kadr dəyişikliyi edilib.

Axar.az xəbər verir ki, bu barədə Baş prokuror Kamran Əliyev müvafiq əmrlər imzalayıb.

Baş prokurorun əmrləri ilə ədliyyə polkovniki Rövşən Əfəndiyev Respublika Hərbi Prokurorluğunun Təşkilat və icraya nəzarət şöbəsinin rəisi, ədliyyə polkovniki Mehdi Hüseynzadə Hərbi Prokurorluqlarda istintaqa nəzarət şöbəsinin rəisi, ədliyyə polkovnik-leytenantı Nihad Şıxəliyev sənədlərlə və müraciətlərlə işin təşkili şöbəsinin rəisi, ədliyyə polkovnik-leytenantı Bəhruz Əhmədov isə Hərbi Prokurorluğun İstintaq İdarəsinin rəisi vəzifələrinə təyin olunublar.

Daha bir əmrlə isə Fuad Məmmədova hərbi prokuror Xanlar Vəliyevin müavini vəzifəsi tapşırılıb.