Demokratlar Partiyasından olan amerikalı konqresmen Terrens Con Koks qondarma Qarabağa minalardan təmizləmə proqramının dəstəklənməsi üçün vəsaitin ayrılması planını dəstəkləyib.

Axar.az xəbər verir ki, Koks bunu ABŞ Nümayəndələr Palatasının Maliyyələşdirmə Komissiyası qarşısında çıxış edərkən deyib.

“Əgər bu proqram dayandırılsa, ailələr qeyri-müəyyən müddət ərzində mina təhdidi altında yaşamağa məcbur olacaqlar. Ona görə də maliyyə dəstəyi çox vacibdir. Qafqaz regionundan stabillik və sülhün dəstəklənməsi məsələsi ziddiyyətli olmamalıdır”, – deyə konqresmen bildirib.

Qeyd edək ki, Koks ermənilərin çoxluq təşkil etdiyi Kaliforniya ştatını təmsil edir. Onun atası əslən Çindən, anası Filippindən olan miqrantdır.