Sərt karantin rejimi epidemioloji vəziyyətin dəyişməsindən asılı olaraq digər rayonlara da şamil edilə bilər.

Axar.az xəbər verir ki, bunu TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib.

O qeyd edib ki, hansı rayonlar bu siyahıya daxil deyilsə, bu o deməkdir ki, orada olan vəziyyət nəzarət altındadır.

Yaqut Qarayeva əlavə edib ki, bu gün çimərliklərin açılması sıxlığın müşahidə olunmasına səbəb olacaq:

"Bizim əsas məqsədimiz insanlar arasında sosial məsafənin saxlanılması, insanların bir yerə toplaşmamasıdır".