Ana səhifə Toplum |
Bakıda sürücü "Opel" markalı avtomobillə piyadanı vuraraq qaçıb.
Axar.az Daxili İşlər Nazirliyinin rəsmi saytına istinadən xəbər verir ki, ötən gün saat 13 radələrində Nərimanov rayonunun Ə.Əliyev küçəsində müəyyən edilməmiş avtomobillə yolu keçən Bakı şəhər sakini Leyla Paşayeva vurulub. L.Paşayevaya xəstəxanada ilkin tibbi yardım göstərilib.
Nərimanov RPİ 17-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisənin "Opel" markalı avtomobillə törədilməsi müəyyən edilib.
Nərimanov RPİ tərəfindən əməliyyat-axtarış tədbirləri aparılır.
***
Oxşar hadisə Qaradağ rayonunun Qobustan qəsəbəsində də baş verib. Ötən gün saat 20 radələrində qəsəbədə müəyyən edilməmiş avtomobillə yolu keçən Lənkəran sakini Mais Abıyev vurulub. Nəticədə M.Abıyev xəstəxanaya yerləşdirilib.
BDYPİ tərəfindən əməliyyat-axtarış tədbirləri aparılır.
Tarix
2015.04.04 / 14:07
|
Müəllif
İlham Sahiloğlu
|