Mərhum Prezident Heydər Əliyevin anadan olmasının 92-ci ildönümü münasibətilə DSMF-də mini-futbol turnirinə start verilib.

Dövlət Sosial Müdafiə Fondundan Axar.az-a verilən məlumata görə, aprelin 6-də turnirin açılış mərasimi keçirilib.

Açılış mərasimində qeyd edilib ki, mini-futbol turnirində 8 komanda mübarizə aparacaq və yarışın qalibləri Heydər Əliyevin anadan olmasının 92-ci ildönümü ərəfəsində müəyyənləşəcək, onlara kubok, medallar, diplomlar və pul mükafatları təqdim olunacaq.

Qeyd edək ki, DSMF-nin strukturlarının əməkdaşları arasında stolüstü tennis və şahmat yarışları da keçiriləcək, qaliblər mükafatlandırılacaq.