12:57

Paytaxtda fəaliyyət göstərən pivə barlarından birinin loqosuna erməni cəlladı, vaxtilə türklərə qarşı qətliamlarda fəal iştirak etmiş Andranik Ozanyanın şəkli vurulub.

Publika.az xəbər verir ki, Bakı şəhəri A.Heydərov 23 ünvanında, Nərimanov Rayon Məhkəməsinin yaxınlığında (Montin qəsəbəsində) fəaliyyət göstərən "Montinburg" adlı pivə barı öz nişanına Andranikin şəklini vurub.

Pivə barının girişindəki nişandakı fotoya diqqət yetirin. Bu, erməni cəlladı Andronikin fotosudur. Qəribədir, "Montinburg" adlı pivə barının rəhbərliyi bununla nə demək istəyir? Yeri gəlmişkən, həmin pivə barındakı qiymətlər də od tutub yanır. Maraqlıdır, görəsən, pivə barının rəhbərliyini erməni cəlladını təbliğ etməyə nə vadar edir?

***

Axar.az əməkdaşının barın yerləşdiyi ərazidən verdiyi məlumata görə, hazırda hüquq-mühafizə orqanlarının əməkdaşları sözügedən bardadır.

Artıq azərbaycanlıların soyqırımında xüsusi fəallıq göstərən qulağıkəsik erməni qatil Andronikin şəkli həkk olunmuş loqo məhv edilib.

Barın yaxınlığına kənar şəxslər, o cümlədən media nümayəndələri buraxılmır.

Hüquq-mühafizə orqanları məsələ ilə bağlı araşdırma aparır.