Qazaxda dələduz bağça müdiri axtarışa verilib.

Kəpəz TV xəbər verir ki, rayonun Xanlıqlar kəndində uşaq bağçasının müdiri olan Pərvanə Səfərova sakinləri aldadıb. O, sakinlərin adlarına müxtəlif banklardan aldığı 103 min manat məbləğində vəsaiti dələduzluq yolu ilə ələ keçirib.

Rayon sakini Xatirə Əsgərova və digərləri P.Səfərova tərəfindən aldadılıb. Faktla bağlı Qazax Rayon Polis Şöbəsinin İstintaq bölməsində cinayət işi başlanıb. Onun təqsirləndirilən şəxs qismində məsuliyyətə cəlb edilməsi barədə qərar qəbul edilib. Lakin istintaqdan qaçıb gizləndiyi üçün barəsində axtarış elan olunub.
X.Əsgərovanın qeyd edilən kreditləri hansı banklardan, kimlərin adına və hansı məbləğlərdə götürdüyü xüsuslar araşdırılır, nəticəsindən asılı olaraq onun əməlinə hüquqi qiymət veriləcək.