Respublika üzrə Dövlət Yol Polis inspektorları və patrul xidməti əməkdaşlarının böyük əksəriyyəti Bakıya toplanır.

Axar.az-a daxil olan məlumata görə, DYP-nin rayonlarda işləyən əməkdaşları may ayından etibarən paytaxt yollarında görünəcək. Avropa Yay Oyunları ilə əlaqədar yol polis əməkdaşları şəhərin müxtəlif istiqamətlərində nəqliyyatın hərəkətini tənzimləyəcək, təhlükəsizliyini təmin edəcək.

Bildirək ki, Bakı-2015 Avropa Oyunlarının baş tutacağı tarixlərdə paytaxtın Oyunlar keçiriləcək ərazilərində toy mərasimlərinin keçirilməməsi tövsiyyə olunub. Paytaxtda tıxacların aradan qaldırılması, şəhərdə sıxlığın qarşısının alınması üçün dövlət idarələrində çalışan işçilərin iş qrafikində dəyişiklik edilib.