"Bəli, Bundan sonra Xoşqədəm Baxşəliyevanın "Səni axtarıram" verilişi ANS telekanalında yayımlanacaq. Ancaq onu ATV-dən heç kəs qovmayıb. Bu addımı Xoşqədəm xanım özü atıb".

Bu sözləri Axar.az-a "Səni axtarıram" verilişinin aparıcısı Xoşqədəm Baxşəliyevanın köməkçilərindən biri xanım aparıcının verilişinin bundan sonra ANS telekanalında yayımlanmasına münasibət bildirərkən deyib.

Xanım aparıcının adının açıqlanmasını istəməyən köməkçisi bildirib ki, bu addım Xoşqədəm xanımın özü tərəfindən atılıb:

"Veriliş artıq ATV kanalında yayımlanmayacaq. Bu qərarı Xoşqədəm xanım özü verib. Verilişin müəllifi Xoşqədəm xanım özüdür. Verilişlə bağlı qərarları da özü qəbul edir. ATV-dən isə onu heç kəs qovmayıb. Özü öz xoşu ilə layihəni ANS kanalında davam etdirmək qərarı verib".

Qeyd edək ki, ATV kanalında kütləvi ixtisarlar başladığı bildirilir. Sou.az-ın məlumatına görə, ixtisar edilənlərin əksəriyyəti xanım işçilərdir. Onlar arasında Xoşqədəm Baxşəliyeva da var.