Ana səhifə Toplum |
Pandemiyadan zərər çəkən sahələr İqtisadiyyat Nazirliyi tərəfindən müəyyən edilib və kinoteatr da bu sahələrdəndir.
Axar.az xəbər verir ki, bunu Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bugünkü brifinqində deyib.
"İqtisadi yardımların göstərilməsi üçün ikinci mərhələ başlayır. Burada dövlətin əsas məqsədi işçilərin ixtisara düşməməsidir", - H.Hacıyev bildirib.
O qeyd edib ki, karantin rejimi qaydalarına əsasən, insanların sıx toplaşdığı sahələrin fəaliyyəti bərpa edilmir:
"Bu yumşalmalar bizi rahatlaşdırmamalıdır. Məsələn, 14 iyulda Orduya dəstək aksiyası baş tutdu. Bu çox qürurverici hal idi. Lakin biz burada insanların sıx toplaşmasının şahidi olduq. Bəlkə də o aksiya olmasaydı, biz daha müsbət halla qarşılaşa bilərdik.
Eyni zamanda karantin rejimində yas mərasimləri təşkil olunur ki, ən çox yoluxma halları burada baş verir".
Tarix
2020.08.03 / 18:18
|
Müəllif
Axar.az
|