Gəncədə küçə adları dəyişdirilir.

Axar.az xəbər verir ki, ölkənin ikinci şəhərində 1200-ə yaxın küçəyə adlar vurulacaq. Bu məqsədlə dövlət tərəfindən vəsait ayrılıb.

İcra başçısı Elmar Vəliyev Milli Qəhrəman Anatoli Davidoviçin 50 illik yubileyi münasibəti ilə təşkil olunan tədbirdə çıxışında qeyd edib:

"Bu, əslində böyük bir problem idi, həll olunacaq. Gəncə Azərbaycanın suverenliyi uğrunda gedən döyüşlərdə 400-dən artıq şəhid verib. Onların adının əbədiləşdirilməsi məqsədi ilə Milli Qəhrəmanlar Muzeyi yaradılacaq. Ümumilikdə 568 küçəyə yeni adlar verilib, daha 200 küçənin adı isə yaxın zamanlarda müəyyənləşəcək".