II və III ixtisas qrupları üzrə keçirilməsi nəzərdə tutulan imtahanlarla bağlı DİM-in rəsmi sənədi sosial şəbəkələrdə paylaşılıb.

Axar.az xəbər verir ki, bu barədə təhsil eksperti Kamran Əsədov qeyd edib.

“DİM sosial şəbəkələrdə yayılmış cədvəli təsdiq etdi. Qeyd olunan cədvəl üzrə imtahanlar keçiriləcək. Bir qurum məxfi, rəsmi məlumatı qoruya bilmirsə, onu kimsə kənara çıxara bilirsə, bu, xüsusi dövlət qurumu üçün yaxşı hal deyil”, - K.Əsədov bildirib.

Məsələ ilə bağlı saytımıza açıqlama verən Dövlət İmtahan Mərkəzinin mətbuat katibi Xanlar Xanlarzadə deyib ki, rəsmi məlumatlar yalnız DİM-in saytında qeyd edilir:

“Sözügedən məsələlərlə bağlı rəsmi məlumatlar yalnız DİM-in səhifəsində paylaşılır. Ona görə də yalnız DİM-in saytı izlənməli və ora istinad edilməlidir”.