Karantin davranışlarına ciddi əməl olunması şərtilə toyların keçirilməsinə icazə verilə bilər.

Bu sözləri Axar.az-a professor Adil Qeybulla müəyyən mexanizmlərin tətbiq edilməsi nəticəsində toy şənliklərinin keçirilməsinin mümkün olması haqqında təklifin irəli sürülməsi barədə danışarkən bildirib.

O bildirib ki, toy mərasimlərinin keçirilməsinə müəyyən qayda və təlimatların tədbiqindən sonra icazə verilə bilər:

“Əlbəttə ki, toy şənliklərinin keçirilməsinə müəyyən şərtlərlə hər an icazə verilə bilər. Əsas məsələlərdən biri də insanların və toy şənliklərinin keçirildiyi müəssisələrin karantin davranışlarına ciddi əməl etməsidir. Keçən araşdırmalar və təcrübələr göstərib ki, yoluxmaların çox hissəsi yas məraimlərində baş verib. Belə ki, toy mərasimlərində kondisioner əvəzinə təbii havalandırma sistemindən istifadə əsas şərtlərdən biri ola bilər. Əks halda bir insanın xəstə olması, kondisionerin dövr etdirdiyi hava sayəsində, bütün mərasim iştirakçılarının yoluxmasına səbəb olar. Hətta toy şənliklərinin açıq havada keçirilməsi daha yaxşı olar”.